«Կարևո՞ր է ԸՕ-ն. իհարկե կարևոր է: Ուզում եմ հիշեցնել Դավիթ Հարությունյանի բազմիցս հնչեցրած միտքը՝ Հայաստանում ամենաազատ և անկախ ընտրությունները անցկացվել են 1990թ-ին՝ ամենավատ, խայտառակ ԸՕ-ով:: Իսկ իմ կարծիքով դրանից հետո բոլոր ընտրութնուններին եղել է լեգիտիմության լրջագույն կասկած, այնպես որ որևէ Ընտրական օրենսգիրք պետք չէ ազատ արդար ընտրություններ անցկացնելու համար»: Այս մասին ԱԺ արտահերթ նիստին այսօր ԸՕ-ում նոր փոփոխություններ կատարելու մասին նախագծի քննարկմանն իր ելույթում ասաց ԲՀԿ խմբակցության ղեկավար Նաիրա Զոհրաբյանը:
Նա նաև հավելեց. «Պետք չէ ԸՕ-ից սարքենք մի վերջին սրբագույն ատյան և հանրությանը ներկայացնել, թե ընդունելով բոլոր առաջարկներն ընդդիմության՝ մենք, ըստ էության, փակում ենք ընտրակեղծարարության բոլոր հնարավոր սողանցքները: Ոչ, այդպես չէ»:
Այն, որ ստորագրված ընտրացուցակները հրապարակվելու են, որին դեմ է Վենետիկի հանձնաժողովը, Ն. Զոհրաբյանը կոչ արեց. «Հանգիստ եղեք, դրանից հաստատ Ջիանի Բուքիքիոն ինքնասպան չի լինի: Ուզում ես տեսախցիկը պահի քվեախցիկի մեջ, ոչինչ չի փոխվելու, եթե իշխանությունն առաջնորդվելու է ամեն ինչ, կամ ոչինչ տարբերակով, ինչը մենք տեսանք Վանաձորում եւ Գյումրիում: Թող քար նետի այն կուսակցությունը, որը կկանգնի եւ ասի, որ հնարավոր չէ իր ներսում գտնել, որին հնարավոր չէ ահաբեկել, վախեցնել, կաշառել, նույն ՀՀԿ ներսում»:
Մանրամասները՝ տեսանյութում:
