Բրիտանական Coys of Kensington աճուրդի տունը գնորդներին կառաջարկի 1971 թ. Lamborghini Miura ավտոմեքենան, որը նախկինում պատկանել է հայտնի երգիչ Ռոդ Ստյուարտին: Այս մասին հաղորդվում է lenta.ru-ի խմբագրությունում ստացված մամլո հաղորդագրության մեջ:
Մեքենան աճուրդի կհանվի լոնդոնյան Ալեքսանդրա-փալասում հոկտեմբերի 29-ին: Լոտի նախնական գինը չի հաղորդվում: 2015 թ. այդ ավտոմեքենան eBay առցանց-աճուրդում առաջարկվել է 1,25 մլն եվրոյով, սակայն մեքենան ձեռք բերել ցանկացող չի եղել:
Blu note գույնի P400S մոդիֆիկացիայի սպորտային կուպեն Ռոդ Ստյուարտը ձեռք է բերել 1971 թ.: Ստյուարտի 2012 թ. հրապարակված ինքնակենսագրության համաձայն՝ ավտոմեքենայի համար նա վճարել է 5 000 ֆունտ ստերլինգ (նկատի ունենալով նաև արժեզրկումը՝ ներկայիս կուրսով՝ մոտ 80 000 դոլար): Նա մեքենան վաճառել է 1970-ականների վերջին:
