ԱՄՆ նախագահի դեմոկրատ թեկնածու Հիլարի Քլինթոնի նախընտրական շտաբի ղեկավար Ջոն Պոդեստայի թվիթերյան էջը կարող է չորեքշաբթի երեկոյան կոտրված լինել ցանցահենների կողմից՝ հայտնում է The Hill-ը։
«Ես փոխել եմ հրամանը։ Քվեարկե՛ք Թրամփի օգտին»,- մեջբերում է պարբերականը հաղորդագրությունն ու ներկայացնում դրա սքրինշոթը։
Պարբերականը նշում է, որ հավանաբար էջը կոտրվել է։ Հաղորդագրությունն արագ հեռացվել է։
Ներկայումս Պոդեստայի էջում որևէ արտասովոր բան չկա։ Վերջին հաղորդագրությունը թվագրվում է հոկտեմբերի 11-ին։
Հիշեցնենք, որ WikiLeaks-ը չորեքշաբթի հրապարակել էր Պոդեստայի գաղտնի նամակների 4-րդ և 5-րդ մասը։ Հրապարակումների 5-րդ մասը ներառում է 673 նամակ։
