ԱԺ ՀՀԿ խմբակցության պատգամավոր Սամվել Ֆարմանյանը «Առաջին լրատվական»- ի հետ զրույցում, անդրադառնալով ՏԻՄ ընտրություններին, երեք հիմնական նկատառում առանձնացրեց: «Առաջին՝ հոկտեմբերի 2-ի ՏԻՄ ընտրությունները առանձնահատուկ էին նրանով, որ երկու խոշոր համայնքներում՝ Գյումրիում և Վանաձորում ընտրություններն անցկացվեցին համամասնական ընտրակարգով: Նոր ընտրակարգը թելադրեց ակնհայտ քաղաքականացված պայքար, որը սահմանադրության նոր փոփոխությունների և գալիք ընտրությունների համատեքստում նոր որակ է հաղորդում քաղաքական գործընթացներին. սա ամենակարևոր առանձնահատկությունն է:
Երկրորդ՝ Գյումրիում բացարձակ մեծամասնություն է ստանում «Բալասանյան» դաշինքը, Վանաձորում հնարավոր է կոալիցիոն համագործակցություն լինի, թեժ ընտրապայքար եղավ, տեսանք «Լուսավոր Հայաստան» նորաստեղծ կուսակցության արձանագրած էական արդյունքները:
Երրորդ՝ մենք տեսանք, որ ընտրությունները հատկապես այդ երկու քաղաքային համայնքներում տեղի ունեցան մրցակցային այնպիսի պայմաններում, որտեղ քաղաքական ընդդիմության կողմից սեփական արդյունքների համար իշխանություններին մեղադրելն արդեն համոզիչ չի թվում»:
Սամվել Ֆարմանյանը նաև ընդգծեց, որ տպավորիչ հանգամանք էր այն, որ ՀԱԿ-ը և՛ Վանաձորում, և՛ Գյումրիում զբաղերել է վերջին տեղը:
Նրա խոսքով՝ ՏԻՄ ընտրություններին արձանագրվեց՝ 2008-ից գոյություն ունեցող տիտղոսային ընդդիմությունն այլևս անցյալում է: Ս. Ֆարմանյանը ընտրական գործընթացում ձախողած կուսակցությունների պատգամավորներին կոչ է անում վայր դնել պատգամավորական մանդատները:
Մանրամասները՝ տեսանյութում: