ՀՀԿ փոխնախագահ Ռազմիկ Զոհրաբյանը Լևոն Տեր-Պետրոսյանի հայտարարության առնչությամբ, թե ցեղակրոնությունը ռասիզմ է, ասաց. «Այդ գաղափարը միշտ էլ եղել է, սակայն ինչո՞ւ առաջին նախագահը հենց նոր հիշեց դրա մասին։ Բանն այն է, որ Ադրբեջանը մեղադրում էր, թե Սերժ Սարգսյանը ռասիստ է, և նրան պետք է դատի տալ դրա համար։ Լևոն Տեր-Պետրոսյանը «ռետրանսլյացիա» արեց դա Հայաստանում, քանի դեռ աղմուկը մեր մամուլում չէր տարածվել։ Նա դարձավ Ադրբեջանի խոսնակը։ Ցեղակրոնությունը ռասիզմ չէ, հենց դա է փրկել մեր երկիրը, և եթե չլիներ Նժդեհը, մենք Հայաստան չէինք ունենա, իսկ Լևոն Տեր-Պետրոսյանն էլ Մատենադարանում չէր աշխատի»։
Խոսելով ՀՀԿ-ի բժշկական ծրագրի մասին՝ Ռազմիկ Զոհրաբյանը նշեց, թե դա պարզապես բարեգործություն է և ժողովրդի ուշադրությունը գրավելու միջոց։ Անդրադառնալով Հովհաննես Սահակյան – Խաչիկ Գալստյան հակադարձումներին՝ նույն այդ բժշկական ծրագրում առաջինը լինելու շուրջ, Զոհրաբյանը ասաց, թե բարեգործությունը վատ չէ, թող ցանկացած կուսակցություն էլ դա անի. «Մենք վատ բան չենք անում և ոչ էլ օգտագործում ենք բյուջեի փողերը»։
