Samsung հարավկորեական հսկայի նոր սմարթֆոնի՝ Galaxy S8-ի թողարկումը սպասվում է 2017 թվականի սկզբին, սակայն արդեն ԶԼՄ-ները գրում են դրա տարբեր հնարավոր բնութագրերի մասին։ Դրանցից մեկը Slashgear ռեսուրսն է, որի տվյալներով՝ սմարթոնը կստանա գերհստակ դիսփլեյ՝ UHD3840 x 2160 խտությամբ։ Այն հարմարեցնում է սարքը վիրտուալ իրականության հետ աշխատանքի համար։
Սակայն այստեղ առաջանում է հարց, թե ինչպես է ընկերությունը պատրաստվում հաղթահարել վիթխարի էներգասպառումը, որն ի հայտ կգա նման որոշման արդյունքում։ Փորձերը ցույց են տվել, որ Oculus VR հավելվածի տեղադրումից հետո սարքի մարտկոցը 3 ժամում կորցնում է լիցքավորման մոտ 70 տոկոսը։
Ռեսուրսը նշում է, որ Samsung-ը կարող է կիրառել մոդելը, որը գործածվում է Sony Xperia Z5 Premium-ում։ Լիցքավորումը խնայելու համար սմարթֆոնն ակտիվացնում է UHD ռեժիմը միայն համապատասխան կոնտենտի հետ աշխատանքի դեպքում, մինչդեռ մնացած դեպքերում էկրանն օգտագործում է ավելի տնտեսող FullHD ռեժիմը։
