Լոնդոնի «Արսենալ»-ի գլխավոր մարզիչ Արսեն Վենգերը կարծիք է հայտնել ակումբում իր աշխատանքի մասին: «Զինագործներ»-ի ղեկավարները պատրաստ են նոր պայմանագիր առաջարկել ֆրանսիացի մասնագետին:
««Արսենալ»-ում ինձ ստիպում է մնալ երկրպագուների հավատը: Դա առաջին գործոնն է: Զգում եմ, որ կարող եմ ավելին անել ակումբի համար: Հասկանում եմ, որ վաղն ամեն ինչ կարող է ավարտվել:
Ինչ վերաբերում է կարիերայի փառահեղ ավարտին, ապա ես այդ մասին չեմ մտածում: Եթե Ֆերգյուսոնի թիմը նրա գլխավորությամբ վերջին մրցաշրջանում տիտղոսներ չնվաճեր, չէր նշանակի, թե պարոն Ալեքսը մեծագույն մարզիչ չէ»,- Goal-ը մեջբերում է Վենգերի խոսքերը:
Հավելենք, որ «Արսենալ»-ի հետ 66-ամյա մասնագետի գործող պայմանագրի ժամկետն ուժի մեջ է մինչև 2017 թվականի հունիսը:
