Մեքսիկան պետք է պատրաստ լինի խոսելու հրեշի հետ՝ նոյեմբերին ԱՄՆ-ում կայանալիք ընտրությունների արդյունքներով Դոնալդ Թրամփի հաղթանակի դեպքում։ Այս մասին հայտարարել է լատինաամերիկյան երկրի էկոնոմիկայի նախարար Իլդեֆոնսո Գուահարդոն։
«Եթե մեքսիկացիների անվտանգության ապահովման համար մեզ պետք է խոսել հրեշի հետ, ապա Մեքսիկան կխոսի»,- ասել է նախարարը Նյու Յորքում գործարար ֆորումի ժամանակ՝ փոխանցում է Reuters գործակալությունը։
Շաբաթներ առաջ Թրամփի այցը Մեքսիկա ոչ միանշանակ արձագանք էր առաջացրել մեքսիկացիների շրջանում։ Ֆինանսների նախարարությունը հատուկ հայտարարության մեջ նշել էր, որ Թրամփին հրավիրելու որոշումն ընդունվել է երկրի նախագահ Էնրիկե Պենյա Նյետոյի կողմից։
