«Համաձայնությունը, որ ստորագրվեց իշխանության և ընդդիմության կողմից, դրական փոփոխություն է, բայց մեծ հույսեր չենք կապում դրա հետ, քանի որ Ընտրական օրենսգրքում մնացել են խնդրահարույց դրույթներ՝ վերահսկման սահմանափակումներ, խայտառակ ընտրակարգ և այլն, այդ պարագայում չենք կարող ոգևորված լինել նոր Ընտրական օրենսգրքով: Ավելին՝ 2011թ-ի օրենսգիրքը ավելի լավն էր, քան 2016թ. ԸՕ-ն՝ փոփոխություններով հանդերձ»,- այս մասին «Առաջին լրատվական»- ի հետ զրույցում ասաց «Իրազեկ քաղաքացիների միվորում» ՀԿ ծրագրերի համակարգող Դանիել Իոնիսյանը:
Նրա խոսքով՝ ընտրացուցակների հրապարակումը կանխարգելիչ մեխանիզմ է, կրկնաքվերակությունները կարող են կանխարգելվել, բայց բոլոր տեսակի ընտրակեղծիքները սրանով չեն կանխարգելվի, օրինակ՝ ձայնագողությունը ոչ մի կերպ կապված չէ ընտրացուցակների հրապարակաման հետ, երբ մի տրցակից մյուսն են տանում քվեաթերթիկներ կամ արձանագրությունների մեջ իրականությանը չհամապատասխանող թվեր են նկարում:
Դ. Իոնիսյանի դիտարկմամբ՝ այն, որ իշխանությունները գնացին այս քայլին՝ ընտրացուցակների հրապարակման համաձայնությանը, խոսում է այն մասին, որ բերվող հակափաստարկները ընդամենը ասելու համար էին: Ինչ վերաբերում է մեխանիզմին, ապա հունիսին ստորագրված համաձայնությամբ ձեռքբերված պայմանավորվածությունը, ըստ Դ. Իոնիսյանի, ավելի լավն էր և տեխնիկապես կանխարգելում էր ընտրակեղծիքները, որովհետև մատնահետքը կեղծելը շատ դժվար է:
Մանրամասները՝ տեսանյութում:
