Պեկինի ռեստորաններից մեկում կարելի է ուտել մսից հագուստի կրկնօրինակը, որը 2010 թվականին Լեդի Գագան ցուցադրել է MTV մրցանակաբաշխության կարմիր գորգում: Օրիգինալը պահպանվում է ԱՄՆ Օհայո նահանգի Քլիվլենդ քաղաքի Ռոքնռոլի փառքի դահլիճում, հայտնում է rosbalt.ru-ն:
Սոցիալական ցանցերում արդեն հայտնվել է լուսանկար ռեստորանից, որտեղ երևում է ուտելու զգեստը: Լեդի Գագան մսից պատրաստված զգեստով ներկայացել է 2010 թվականի MTV ալիքի մրցանակաբաշխության արարողությանը:
Հագուստի դեզայներն է Ֆրանկ Ֆերնանդեն: Երգչուհին միաժամանակ ներկայացվել է 13 անվանակարգերում և հաղթել է դրանցից 8-ում: Ամենաքննարկվող շրջազգեստների վարկանիշում Լեդի Գագայի զգեստը առաջ է անցել նույնիսկ Քեյթ Միդլթոնի հարսանեկան զգեստից:
