Apple ընկերությունն աշխատում է Snapchat-ի համանման հավելվածի ստեղծման ուղղությամբ՝ օգտագործելով նաև մշակումներ Instagram-ի Stories-ի նոր ձևաչափից: Այս մասին հայտնում է Bloomberg-ը՝ հղում անելով նախագծին ծանոթ մի քանի աղբյուրների:
Աղբյուրների տեղեկությամբ՝ դեռևս մշակվող հավելվածը հնարավորություն կտա նկարահանել և խմբագրել 1 րոպեից ոչ ավելի տևողությամբ կարճ տեսանյութեր:
Օգտատերերի համար հավելվածի օգտագործումը պարզեցնելու համար մշակողները մտադիր են դրա գործառույթների մեծ մասն իրագործել մի ձեռքով կառավարմամբ:
Այնուամենայնիվ, Bloomberg-ը նշում է, որ Apple-ը կարող է որոշել էական փոփոխություններ կատարել նախագծում՝ ամբողջովին փոխել գաղափարը կամ նույնիսկ սառեցնել այն՝ կապված սմարթֆոնների օգտատերերի անձնական տվյալների գաղտնիության հետ:
