«Առաջին լրատվական»-ի հետ զրույցում Միջազգային և անվտանգության ինստիտուտի փորձագետ, իրանագետ Արմեն Վարդանյանն անդրադարձավ տարածաշրջանային արդի քաղաքական հարցերին, որոնք սերտորեն կապված են թե՛ Հայաստանի, թե՛ Իրանի արտաքին քաղաքակնության հետ, մասնավորապես տարածաշրջանի կարևոր խաղացողների՝ Ռուսաստանի և Թուրքիայի, Ռուսաստանի և Իրանի միջև համագործակցության առանցքների ձևավորման միտումներին:
Իրանագետի խոսքով՝ ռուս-իրանական հարաբերություններն այսօր գտնվում են բավականին բարձր մակարդակի վրա և դինամիկ զարգացում են ապրում. «Իրանը հարաբերությունները խորացնում է նաև Արևմուտքի հետ, ԱՄՆ-ի հետ հարաբերություններում կան որոշակի խնդիրներ: Իրանը վերջերս ամենաբարձր մակարդակով մեղադրել է ԱՄՆ-ին՝ միջուկային համաձայնագիրը չկիրառելու մեջ և սպառնացել է, որ դուրս կգա այդ համաձայնագրից: Սյդ համատեքստում Իրանը Արևմուտքին ցույց է տալիս, որ չի պատրաստվում նետվել նրա գիրկը, և զուգահեռաբար զարգացնում է հարաբերությունները Ռուսաստանի հետ:
Ռուսաստանի հետ հարաբերությունների խորացումը Իրանին ձեռնտու է նախ այն առումով, որ երկու երկրներն էլ Սիրիայում պաշտպանում են Ասադի ռեժիմը, իսկ Իրանը Ռուսաստանի համար միջնաբերդ է, պատվար՝ ընդդեմ ամերիկյան հեգեմոնիայի, բացի դրանից՝ Իրանը ռուսական զենքի խոշոր գնորդներից մեկն է»:
Ա. Վարդանյանն անդրադարձավ նաև հարցին, թե Ռուսաստանի, Իրանի և Ադրբեջանի համագործակցությունն ինչ վտանգներ է պարունակում Հայաստանի համար:
«Կան որոշակի մտավախություններ, որովհետև Ադրբեջանը որոշակի նոր ծրագրեր է առաջարկում Ադրբեջանին՝ մասնավորապես առաջարկում է, որ Հյուսիս-Հարավ միջանցքն անցնի Ադրբեջանի տարածքով:
Ադրբեջան-Իրան հարաբերությունները մի գլուխ բարձր են հայ-իրանական հարաբերություններից՝ և՛ երկկողմ ապրանքաշրջանառության, և՛քաղաքական առումով : Արդեն 7 անգամ հանդիպել են Հայաստանի և Իրանի նախագահները, իսկ Հայաստանի և Իրանի նախագահների հանդիպում չի եղել. սա կարևոր ցուցիչ է: Բայց մյուս կողմից էլ Իրան-Ադրբեջան հարաբերություններում կան լուրջ խորքային խնդիրներ, որոնք ժամանակ առ ժամանակ պայթում են»:
Մանրամասները՝ տեսանյութում:
