ԱՄՆ-ի Կենտրոնական հետախուզական վարչության տվյալների համաձայն` Հյուսիսային Կորեայի բնակչության թվաքանակը անցած տարվա համեմատ աճել է 0.53%-ով, հաղորդում է Yonhap գործակալությունը:
Վերջին հաշվարկներով` հուլիսին Հյուսիսային Կորեայում բնակվել է 24.72 միլիոն մարդ: ԿՀՎ զեկույցում նշվում է, որ երկիրը բնակչության թվով զբաղեցնում է 49-րդ հորիզոնականը 239 երկրների շարքում:
Բնակչության մեծ մասը կազմում են 24-54 տարեկան անձինք (43.8%), նրանց հետևում են մինչև 14 տարեկան երեխաները (21.7%), 14-24 տարեկան երիտասարդները կազմում են բնակչության 6%-ը, իսկ 65 տարեկանից մեծ անձինք` 9.5%-ը:
ԱՄՆ-ի հետախուզական ծառայությունը պնդում է, որ չնայած Հյուսիսային Կորեայում բնակչության թիվն աճում է, երկիրը շարունակում է ապրել ժողովրդագրական ճգնաժամ: Երկիրը զբաղեցնում է 148-րդ հորիզոնականը բնակչության աճի թվով, 137-րդ հորիզոնականը` ծնելիության և 64-րդը՝ մահացության թվով:
Հյուսիսային Կորեայում տղամարդկանց կյանքի տևողությունը կազմում է 65.6 տարի, կանանցը` 73.5 տարի: Հյուսիս կորեացիների կյանքի միջին տևողությունը 69.5 տարի է:
