Վրաստանի վարչապետ Բիձինա Իվանիշվիլին Բաթումում «Վրաստանի եվրոպական ուղին» միջազգային համաժողովի շրջանակներում խոսել է համագոյակցության գործընթացի նշանակության և այդ գործընթացի բարդությունների մասին:
Նրա խոսքերով՝ 2012թ. խորհրդարանական ընտրություններից հետո երկիրն ապրում է համագոյակցության ռեժիմում:
«Դա շատ բարդ գործընթաց է, սակայն ամեն դեպքում ընթանում է, դրա վառ վկայությունը քաղաքական ուժերի միջև երկխոսությունն է, խորհրդարանում Վրաստանի արտաքին քաղաքականության հիմնական ուղղությունների մասին համատեղ ընդունված բանաձևը, ինչպես նաև այն սահմանադրական ուղղումները, որոնց խորհրդարանն աջակցել է միաձայն: Մի քանի օր առաջ մենք հանդիպեցինք խորհրդարանական ընդդիմության առաջնորդի հետ և համաձայնություն ձեռք բերեցինք մի շարք հարցերի շուրջ»,- ասել է Իվանիշվիլին:
