Թուրքական Dogan լրատվական գործակալության փոխանցմամբ՝ Թուրքիայի իշխանությունները որոշել են բանտերից ազատ արձակել մոտ 38.000 բանտարկյալի, ինչը սակայն չի տարածվելու զինյալ Ալփարսլան Չելիքի վրա։
Վերջինիս կասկածում են Թուրքիայի ռազմաօդային ուժերի կողմից խոցված ռուսական «Սու-24» ինքնաթիռի օդաչու Օլեգ Պեշկովի սպանության մեջ։ Այդ մասին հայտնել է Թուրքիայի գլխավոր դատախազի տեղակալ Մեհմեթ Ֆաթիհ Օզթյուրքը։
Նրա խոսքերով՝ 38.000 բանտարկյալ ազատ արձակելու մասին արդարադատության նախարարության որոշումը չի առնչվի Իզմիրի բանտերից մեկում պահվող Ալփարսլան Չելիքին, սակայն առնչվելու է Իզմիրի բանտերում պահվող 3000 բանտարկյալի։
Օզթյուրքն ընդգծել է, որ Ալփարսլան Չելիքը կալանքի տակ մնալու է մինչև 2017 թվականի հուլիսը։
