«Արմավիա» ավիաընկերությունն այսօր վճարեց աշխատակիցների մի մասի դեկտեմբեր ամսվա աշխատավարձը: Որոշ աշխատակիցներ բողոքոցին, որ չեն ստացել դեկրետային վճարները: «Շաբաթը մեկ անգամ կանչում՝ տալիս են, մնացել է երկու ամսվա աշխատավարձ, ստանամ ու վերջնահաշվարկ կարվի»,- ասաց աշխատակիցներից մեկը: Նա նախորդ շաբաթ ստացել էր դեկտերբեր ամսվա աշխատավարձը, այս շաբաթ ստացավ հունվարինը:
Ավիաընկերության գլխավոր տնօրենի տեղակալ Հրայր Սահակյանն ասաց, որ կամաց-կամաց վճարում են աշխատավարձերը: «Կան մի քանի աշխատակիցներ, որ ստացել են նաև հունվար ամսվա աշխատավարձը»,- ասաց Հ. Սահակյանը: Պատճառը, նրա ձևակերպմամբ, «անձնական ու ընտանեկան խնդիրներն են»: Թե երբ ամբողջությամբ մարված կլինեն պարտքերը, գլխավոր տնօրենի տեղակալը չգիտի: Ըստ նրա՝ երբ ավիաընկերության պարտքերը տալիս են, իրենք էլ աշխատակիցների աշխատավարձերն են վճարում:
