Թաիլանդի Սինգբուրի նահանգի Շրի Սակխոն տաճարում գտնվող Բուդդայի ոսկեձույլ արձանները, որոնցից յուրաքանչյուրը նվազագույնը 200 տարեկան է, գողացել են: Այս մասին հայտնում է ITAR-TASS-ը:
Ինչպես հայտնում է ոստիկանությունը, գողացված արձանների արժեքը գերազանցում է 300 հազար դոկարը:
Մոտ 60 կգ-անոց արձանները Թաիլանդ էին բերվել Մյանմայից ու պահվում էին տաճարի նախկին վերակացուի սենյակում, որը երկար ժամանակ ոչ ոքի կողմից չէր օգտագործվում:
Արձանների գողությունը պատահաբար հայտնաբերել էր տաճարի աշխատակիցներից մեկը;
Ինչպես ենթադրում են ոստիկանությունում, գողերը եղել են մի քանիսը:
Բացի արձաններից՝ նրանք իրենց հետ տարել են նաև մի քանի հին հմայիլներ:
