Զբոսաշրջիկները ընտրություն կատարելիս առաջնորդվում են ոչ միայն տեսարժան վայրերի ցանկով, այլև այն հանգամանքով, թե որքանով է այդ երկրներում կյանքը էժան՝ գրում է style.rbc.ru-ն:
Ցավոք, գնագոյացման առումով որքան մարդասիրական է երկիրը, այնքան զբոսաշրջիկը շոփինգի ու զվարճանքների քիչ հնարավորություն ունի:
Այսպես. ինչի՞ վրա ծախսել գումարները, եթե դրանք գրեթե պետք չեն:
Տխիմպխու, Բութան
Տուրիզմը երկրում դեռ շատ երիտասարդ է, դրա պատմությունն սկսվել է միայն 1974թ., երբ Բութանը բացեց սահմանները արտասահմանցիների առաջ:
Մինչ այդ երկիր հնարավոր էր մուտք գործել միայն թագավորի կամ թագուհու հրավերով:
Այսօր զբոսաշրջիկը պետք է վճարի բավական բարձր հարկ Բութանում անցկացրած օրվա համար:
Հարկ է նշել, որ բացի դրանից՝ գումար ծախսելու այլ տեղ չկա:
Տեղական ապրանքները ներմուծվում են հարևան Հնդկաստանից, այստեղ գրեթե չկա գիշերային կյանք: Ծառայությունները շատ մատչելի են:
Թունիս, Թունիսի Հանրապետություն
Կյանքն ու սնունդը Թունիսում շատ էժան են: Զբոսաշրջիկներին հետաքրքիր կլինի քայլել հին քաղաքով, որտեղ կառուցված է մուսուլմանական աշխարհի ամենամեծ մեդինան:
Կոլոմբո, Շրի Լանկա
Շրի Լանկայում գրպանի պարունակության մեծ մասը ծախսվում է տրանսպորտի վրա:
Երկրում երկարատև պատերազմներից հետո կղզում բացակայում են մայրուղիներն ու տրանսպորտային լոգիստիկան:
Տեղաշարժվելու մատչելի ձևը տաքսին է, որը բավական թանկ արժե:
Սոֆիա, Բուլղարիա
Կյանքը Բուլղարիայում Աֆրիկյան մայրցամաքի պետությունների մեծ մասի համեմատ ավելի թանկ է, սակայն կրկնակի էժան է եվրոպական երկրների մեծ մասից:
Կատմանդու, Նեպալ
Դեպի ծով ելք չունեցող Նեպալը գրավիչ է իր մշակութային-հոգևոր կյանքով:
Թանկարժեք թռիչքը խլում է զբոսաշրջիկի բյուջեի մեծ մասը, այնինչ սնունդն ու ապրուստը բավական մատչելի են:
