Aviasales.ru-ի փորձագետները նշում են, որ զբոսաշրջիկների հետաքրքրությունը մեծացել է այնպիսի երկրների հանդեպ, ինչպիսիք են Հայաստանը, Վրաստանն ու Ադրբեջանը, հաղորդում է «Ինտերֆաքս-Տուրիզմ» կայքը:
Հաղորդվում է, որ Երևանը ռուսների շրջանում գնալով մեծ հայտնիություն է ձեռք բերում: Զբոսաշրջիկների թվի աճի հետ մեկտեղ, ավիատոմսերի գինը չի բարձրանում: Նշվում է, որ սեպտեմբերին Երևանում հանգստանալու համար տոմսի արժեքը կազմում է շուրջ 14 հազար ռուբլի:
«Օրինակ` եթե համեմատենք 2012 և 2013թթ. հունիսը, Թբիլիսիի դեպքում աճը կազմում է 27%»,- հայտարարել է ծառայության հիմնադիր Կոնստանտին Կալինովը:
Վիճակագրության համաձայն` նախորդ տարվա համեմատ Բաքուն այս տարի Ռուսաստանից 30%-ով ավելի շատ զբոսաշրջիկներ է ընդունում: Զբոսաշրջիկների թվի աճին չի խոչընդոտում ավիատոմսերի թանկանալը 11%-ով:
