ԱՄՆ նախագահի դեմոկրատ թեկնածու Հիլարի Քլինթոնը Reuters գործակալության և Ipsos ընկերության վերջին համատեղ հարցման արդյունքներով առաջատար է։ Այս մասին հայտնում է Reuters-ը։ Նրա մրցակիցը՝ հանրապետական թեկնածու, միլիարդատեր Դոնալդ Թրամփը, նրան զիջում է 6 տոկոսով։
Համաձայն հուլիսի 25-29-ն անցկացված հարցման՝ Քլինթոնի օգտին պատրաստ է քվեարկել ընտրողների մոտ 41 տոկոսը, Թրամփի օգտին՝ 35 տոկոսը։ 25 տոկոսն ընտրել է այլ թեկնածուի օգտին քվեարկելու տարբերակը։
Հարցմանը մասնակցել է 1043 քաղաքացի։ Նախկին հարցումը ցուցաբերել էր Թրամփի փոքր-ինչ (2 տոկոս) առավելություն Քլինթոնի նկատմամբ։
ԱՄՆ-ում նախագահական ընտրությունները կկայանան նոյեմբերի 8-ին։
