BBC Radio 4-ին տված հարցազրույցում սըր Էլթոն Ջոնը հայտարարել է, որ The Voice շոուի կազմակերպիչներն ավելի հետաքրքրված են դատավորների ընտրությամբ և նրանց միջև լարվածության առաջացմամբ, քան թե փողոցից բերված տաղանդավոր մարդկանց նախապատրաստմամբ ու նրանց հետագա ստեղծագործական աճով:
Հայտնի երաժշտի նման գնահատականի հիմք է հանդիսացել շոուի նախորդ սեզոնի հաղթող Լիան Միթչելի առաջին ձայնասկավառակի տապալումը, որը վաճառվել է ընդամենը 1000 օրինակով: Ըստ Էլթոն Ջոնի՝ նման շոուների քայքայիչ ազդեցությունը նրանում է, որ այն մասնակիցներին վայրկենական համբավի պատկերացում է տալիս, որը հիմնված չէ համակարգված աշխատանքի վրա։
