Կահիրեի, Ալեքսանդրիայի և Եգիպտոսի տարբեր քաղաքների հրապարակներում բնակչությունը սպասում է Եգիպտոսի զինված հրամանատարության հայտարարությանը: Ժողովուրդը սպասում է իշխանությունը զինվորականների ձեռքն անցնելու և Մուհամմեդ Մուրսիի հրաժարականի մասին լուրին:
Եգիպտոսի պաշտպանության նախարար գեներալ Աբդել Ֆաթթահ Աս-Սիսին այս ժամերին հանդիպում է քաղաքական ուժերի և մուսուլմանների ու քրիստոնյաների հոգևոր առաջնորդների հետ: Նրանք քննարկում են սուր ներքին քաղաքական ճգնաժամից դուրս գալու ուղիները:
«Մուսուլման եղբայրներ» խմբավորումն ու նրա ճյուղ հանդիսացող «Ազատություն և արդարություն» իշխող կուսակցությունը հրաժարվել են մասնակցել այդ քննարկմանը՝ այն որակելով որպես հեղաշրջում:
