Պատմության մեջ առաջին անգամ ձկան համաշխարհային սպառումը բնակչության մեկ շնչի հաշվով գերազանցել է տարեկան 20 կիլոգրամը: Այս մասին հայտնում է RIA Novosti-ն՝ վկայակոչելով ՄԱԿ-ի Պարենի և գյուղատնտեսության կազմակերպության (FAO) զեկույցը:
FAO-ի գնահատմամբ՝ այդ արդյունքը գրանցվել է ի հաշիվ ամենից առաջ ակվակուլտուրական մթերքների մատակարարումների զգալի աճի և ձկան որոշ հիմնական տեսակների ռեկորդային որսի, նաև կորուստների մակարդակի նվազման:
FAO-ի փորձագետների արձանագրած՝ բնակչության մեկ շնչին բաժին ընկնող ձկան սպառման ավելի քան 20 կգ տարեկան մակարդակը կրկնակի գերազանցում է 1960-ականների ցուցանիշը:
2014թ. ձկնորսության համաշխարհային մակարդակը կազմել է 93,4 մլն տոննա: 2014թ. ռեկորդային թվով որսացել են թյունոս, խեցգետին, մանր ծովախեցգետին և գլխոտանիներ՝ նշվում է զեկույցում:
