Ըստ ՀՀ ոստիկանության Երևանի վարչության ուղեկցող գումարտակի ավագ ոստիկան Հարություն Հովհաննիսյանին առաջադրված մեղադրանքի, նա ծառայության նկատմամբ անբարեխիղճ և անփույթ վերաբերմունք է դրսևորել:
18.04.2013թ.-ին՝ նշանակված լինելով քրեական գործով մեղադրյալ Արմեն Կաբալյանին դատարան ուղեկցելու համար կազմված ուղեկցող պահակախմբում որպես ավագ և պատասխանատու, ըստ մեղադրանքի, ոստիկանը պատշաճ կարգով չի կատարել իր պարտականությունները, ինչի հետևանքով դատարանի նկուղային հարկում տեղակայված խցում գտնվող կալանավոր Արմեն Կաբալյանը մնալով հսկողությունից դուրս, բացելով խցի դուռը դիմել է փախուստի:
Հարություն Հովհաննիսյանին մեղադրանք է առաջադրվել ՀՀ քրեական օրենսգրքի 315-րդ հոդվածի առաջին մասով՝ Պաշտոնեական անփութությունը, խափանման միջոց է ընտրվել չհեռանալու ստորագրությունը:
Գործը մակագրվել է Երևանի Աջափնյակ և Դավթաշեն վարչական շրջանների դատարանի դատավոր Դավիթ Բալայանին:
