Խմելով պլաստիկե շշերով ըմպելիքներ՝ հղի կանայք մեծացնում են քաղցկեղի զարգացման հավանականությունը դեռևս չծնված երեխաների մոտ: Այդ մասին վկայում է Իլինոյսի համալսարանի գիտնականների՝ մկների վրա կատարած հետազոտությունը:
Հետազոտողները ցույց են տվել, թե ինչպես է բիսֆենոլը (պլաստիկե շշերում պարունակվող նյութը) դեռևս արգանդում բարձրացնում շագանակագեղձի քաղցկեղի զարգացման վտանգը: Այս մասին հաղորդում է Daily Express պարբերականը:
Հետազոտության ղեկավար Գեյլ Փրինսը նշել է, որ դա բիսֆենոլի բացասական ազդեցության առաջին ուղղակի ապացույցն է՝ այն քանակությամբ, որքանով այն գտնվում է մեզ շրջապատող միջավայրում, ազդում մարդու վրա դեռևս մոր արգանդում: Մասնավորապես՝ խոսքը շագանակագեղձի քաղցկեղի զարգացման մասին է:
