ԱՄՆ Սենատը հինգշաբթի օրն ընդունել է էմիգրացիոն բարեփոխումների վերաբերյալ օրինագիծը: Այս մասին հաղորդում է Ria Novosti-ն:
Այժմ օրինագիծը կներկայացվի Ներկայացուցիչների պալատ՝ չնայած պալատի խոսնակ Ջոն Բեյներն արդեն հայտարարել է, որ կփորձի վերամշակել բարեփոխումների սեփական տարբերակը:
Սենատի ընդունած օրինագծով 11 մլն ներգաղթյալներ 13 տարվա ընթացքում կարող են ստանալ ԱՄՆ քաղաքացիություն, եթե նրանք վճարեն հարկերը, տուգանքները և օրենքի հետ խնդիրներ չունենան:
Օրինագծով նախատեսվում է նաև 46 մրդ դոլար հատկացնել սահմանների պաշտպանությանը և զբաղվածության էլեկտրոնային ստուգմանը:
Օրինագծին կողմ են քվեարկել 68, դեմ՝ 32 սենատոր:
Հանրապետական փոքրամասնության առաջնորդ Միթչ Մաքոնելը հանդես է եկել օրինագծի դեմ՝ ասելով, որ «իր ներկա տեսքով այդ օրինագիծը օրենք չի դառնա»:
