Ֆրանսիայի ոստիկանությունը Փարզիում 85 մարդ է ձերբակալել աշխատանքային բարեփոխման դեմ բողոքի նոր ակցիայի սկսվելուց առաջ: Այդ մասին հայտնում է Agence France-Presse-ը:
Ոստիկանությունում աղբյուրի խոսքերով՝ մեծ մասը ձերբակալվել է առարկաների առկայության ստուգուման համար անձնական խուզարկությունից հետո, որոնք կարող էին կիրառվել ոստիկանության վրա նետելու համար:
Երկուշաբթի Փարիզի ոստիկանության պրեֆեկտը հայտնել էր հունիսի 23-ին նախատեսված 7 արհմիութենական կազմակերպությունների բողոքի զանգվածային ակցիան արգելելու որոշման մասին՝ անկարգությունների մտավախության պատճառով հունիսի 14-ին տեղի ունեցած նախորդ ակցիայից հետո, որն ավարտվել է անկարգություններով և ոստիկանության հետ դաժան բախումներով: Այդ որոշումը Ֆրանսիայում առաջացրել է լայն ընդդիմության կոշտ քննադատությունը, շատերն այն անվանել են ժողովրդավարության և ազատության հիմքերի խարխլում: ՆԳՆ ղեկավար Բեռնար Կազնևի հետ հանդիպումից հետո արհմիությունները հունիսի 23-ին Փարիզում ցույցի թույլտվություն են ստացել իշխանություններից:
Վերջին ամիսներին աշխատանքային բարեփոխման նախագծի քննարկման պատճառով Ֆրանսիայում պարբերաբար տեղի են ունենում երիտասարդների և աշխատողների զանգվածային ցույցեր, որոնք հաճախ ավարտվում են անկարգություններով ու ոստիկանության հետ բախումներով: Բարեփոխումը պետք է նպաստի Ֆրանսիայում աշխատատեղերի ստեղծմանը, սակայն հնարավորություն է տալիս ավելացնել աշխատանքային օրվա տևողությունը և պարզեցնում է աշխատողներին հեռացնելու գործընթացը: Բարեփոխմանը չի աջակցում ոչ միայն ընդդիմությունը, այլև իշխող Սոցկուսակցության պատգամավորների «ճակատը»:
Ֆրանսիայի Սահմանադրության 49.3 կետի համաձայն՝ վարչապետը, վստահ լինելով օրենքի ընդունման անհրաժեշտության հարցում, իր իշխանությամբ և իր պատասխանատվության ներքո տեքստը խորհրդարանով անցկացնում է առանց քվեարկության: Սակայն, այդ դեպքում խորհրդարանը, 49.2 կետի համաձայն, իրավունք ունի քննարկման դնել կառավարությանն անվստահություն հայտնելու հարցը:
