Բրոդվեյում կբեմադրվի «Գիշեր՝ Ջենիս Ջոփլինի հետ» մյուզիքլը: Ինչպես հաղորդվում է բրոդվեյան թատրոնների կայքում, բեմադրության մեջ գլխավոր հերոսին կմարմնավորի ամերիկացի երգչուհի Մերի Բրիջիտ Դևիսը:
Այդ դերը դեբյուտային կդառնա Դևիսի համար Բրոդվեյում, թեև բլյուզի լեգենդար կատարողին նա մեկ անգամ չէ, որ մարմնավորել է:
2005թ. նա Ջենիս Ջոփլինին մարմնավորել էր Love, Janis մյուզիքլում:
Մյուզիքլի պրեմիերան կկայանա 2013թ. աշնանը՝ Բրոդվեյի Lyceum Theatre-ի բեմում:
«Գիշեր՝ Ջենիս Ջոփլինի հետ» մյուզիքլը գրել է ու բեմադրել դրամատուրգ Ռենդի Ջոնսոնը:
Ինչպես նշվում է ArtsBeat-ի բլոգում, «Գիշեր՝ Ջենիս Ջոփլինի հետ» մյուզիքլում հնչելու են Ջոփլինի այնպիսի հիթեր, ինչպիսիք են՝ Piece of My Heart, Mercedes Benz, Me and Bobby McGee, Ball and Chain, ինչպես նաև Summertime կատարումները:
Բլյուզ-ռոքային երգչուհին հայտնի է դարձել 1960-ականների վերջին: Նա հանդես է եկել թե՛ միայնակ, թե՛ Big Brother and the Holding Company, The Kozmic Blues Band ու The Full Tilt Boogie Band խմբերի հետ:
Ջոփլինը մահացել է 27 տարեկանում՝ թմրանյութերի չարաշահումից:
