Չղջիկները սպառնում են միջնադարյան բրիտանական եկեղեցիներին, որոնք գտնվում են ԵՄ շրջակա միջավայրի պաշտպանության տակ: Այս մասին ելույթ ունենալով երկրի խորհրդարանում՝ հայտարարել է պահպանողական պատգամավոր Թոնի Բոլդրին: Նա Մեծ Բրիտանիայի պատմական եկեղեցական հուշարձանների վարչության հանձնաժողովի անդամ է:
Պատգամավորը բացատրել է, որ չղջիկների կենսագործունեության հետքերը, որոնք բույն են հյուսում եկեղեցու պատերին, այնքան թունավոր են, որ ավերում են տաճարների որմնանկարները, քարե ու փայտե քանդակները:
Մինչ այդ ԵՄ ի ընդունած դիրեկտիվը արգելում է քանդել չղջիկների բույները: Դրա համար նախատեսվում է մինչև 6 ամսվա ազատազրկում:
Թոնի Բոլդրին հայտարարել է, որ այդ կենդանիները սպառնում են եկեղեցական արվեստի ստեղծագործություններին, որոնք վերապրել են 16-րդ դարի Վերածնունդն ու 17-րդ դարի քաղաքացիական պատերազմը:
Սակայն Մեծ Բրիտանիայի շրջակա միջավայրի պաշտպանության պետնախարար Ռիչարդ Բինյոնը հայտարարել է, որ իրենց շատ դժվար կլինի ԵՄ դիրեկտիվում հասնել փոփոխությունների:
Չղջիկների բույնը քանդելու փոխարեն իշխանությունները մտադիր են ակուստիկ սարքեր օգտագործել չղջիկներին վախեցնելու, ինչպես նաև նրանց համար արհեստական «բույն» կառուցելու համար՝ հայտնում է BBC-ն:
