Հնդկաստանի հյուսիսում ջրհեղեղի հետևանքով զոհերի ճշգրիտ թիվը հասել է 1000-ի՝ մամլո ասուլիսին հայտնել է Ուտարակխանդ նահանգի վարչապետ Վիջայ Բախուգունան:
Զոհերի ճշգրիտ թիվը կհաստատվի միայն փրկարարական աշխատանքների ավարտից հետո՝ հաղորդում է Associated Press-ը:
Ջրածածկ տարածքներում մարդկանց փրկության գործին լծվել են մոտ 10 հազար զինվոր, ինչպես նաև արտակարգ իրավիճակների ազգային գործակալությունն ու կամավորներ:
Նահանգի կառավարության մամլո գրասենյալի տվյալներով՝ զինծառայողների ուժերով աղետի գոտուց դուրս է բերվել 80 հազար մարդ:
Մարդկանց տարհանում են ինչպես օդային, այնպես էլ ցամաքային ճանապարհով:
Ավելի վաղ հաղորդվում էր, որ տարհանվել են 33 հազար մարդ: Այնուամենայնիվ, հազարավոր մարդիկ արգելափակված են Բադրինատխ քաղաքի լեռնային անցումներում:
Հնդկաստանում ԱՄՆ դեսպան Նենսի Փաուելը հայտարարել է, որ Միացյալ Նահանգները 150 հազար դոլար կհատկացնի ջրհեղեղից տուժած մարդկանց օգնության համար, որոնք ապրում են երկրի հեռավոր շրջաններում:
