Ներքաղաքական իրավիճակի մասին խոսելով՝ ՕԵԿ-ական Հեղինե Բիշարյանը նշեց, թե ներքաղաքական կյանքը բավականին ակտիվ և հետաքրքիր է, ինչը անչափ ողջունելի է: «Ես կողմ եմ, որ երկրում լինի ուժեղ, առողջ ընդդիմություն»:
Գալիք ընտրություններին իրենց մասնակցությանն անդրադառնալով՝ Բիշարյանն ասաց, որ ՕԵԿ-ը շատ կազմակերպված քաղաքական ուժ է և ծանրակշիռ դերակատարություն ունի հայ քաղաքական կյանքում. «Այս անգամ էլ այդպես է լինելու. խորհրդարանականին առանձին ենք գնալու: Իսկ 2013-ի նախագահականի ժամանակ պաշտպանելու ենք Սերժ Սարգսյանին»:
Գագիկ Ծառուկյանի այն հայտարարությունը, թե հավաքելու են 50 պլյուս մեկ ձայն, Բիշարյանը մեկնաբանեց որպես այդ քաղաքական թիմի նպատակ և չցանկացավ կանխավ հայտարարություններ անել: Նա նաև չնշեց, թե անգամ այն դեպքում, երբ ԲՀԿ-ն խորհրդարանում մեծամասնություն լինի, արդյո՞ք նորից կսատարեն Սերժ Սարգսյանին: