Հռոմի պապ Ֆրանցիսկոս I-ը նշել է մարտ ամսին մահացած Վենեսուելայի նախկին նախագահ Ուգո Չավեսի՝ նյութական բարիքներից զուրկ լինելու մասին: Այս մասին հաղորդում է Ria Novosti-ն՝ վկայակոչելով Վենեսուելայի արտգործնախարար Էլիաս Հաուային:
Այս հայտարարությունն արվել է Վենեսուելայի նախագահ Նիկոլաս Մադուրոյի մի շարք եվրոպական երկրներ այցի և Հռոմի պապի հետ հանդիպման արդյունքների ամփոփման ժամանակ:
«Չավեսը մտածել է աղքատների մասին: Չավեսը մահացավ՝ չկուտակելով նյութական հարստություն: Դա ճիշտ է, քանի որ նա մահացել է առանց ոչնչի»,-Հաուան մեջբերել է Հռոմի պապի խոսքերը:
«Նախագահ Չավեսը չի ունեցել ո՛չ ավտոմեքենա, ո՛չ նույնիսկ սեփական տուն: Մարտի 5-ին, սակայն, երբ նա մահացավ, նյութական հարստությունների փոխարեն նա ուներ ժողովրդի սերը: Հենց դա էլ ամենակարևորը և ամենագլխավորն է»,- հավելել է Հաուան:
