Գիտնականները պարզել են, որ ծափահարությունների աղմուկը և որակը չեն կարող «վարակել» այլ մարդկանց: Իսկ ծափողջույնների տևողությունը կախված է այն բանից, թե ինչպես են իրենց պահում ձեր կողքին գտնվող մարդիկ:
Journal of the Royal Society Interface ամսագրում հրապարակած իրենց հոդվածում շվեդ գիտնականները նշում են, որ ծափողջույնը սկսելու համար բավական է միայն մի քանի մարդ: Դա ունի նաև հակառակ ազդցությունը՝ բավական է, որ մի քանի հոգի դադարեն ծափահարել, նրանց կողքի մարդիկ ևս դադարեցնում են:
«Դուք կարող եք անվերջ ծափահարություններ ստանալ, եթե նույնիսկ շատ բարձր չեք ծափահարում: Կարևորը, որ ձեր ծափերի դինամիկան համընկնի մյուսների դինամիկային»,- ասել է դոկտոր Ռիչարդ Մանը:
Փորձաքննության ընթացքում գիտնականները հայտնաբերել են, որ եթե 1-2 հոգի պատրաստվում են ծափահարել, «պատրաստակամության նման ռեժիմը» տարածվում է ամբողջ դահլիճով: Առաջին իսկ ծափերը շղթայական ռեակցիա են առաջացնում, որի ընթացքում մյուսներն անհապաղ «որսում են» ծափողջույնը:
