Գործնական կոստյումների արժեքը խոսում է դրանց տիրոջ դիրքի մասին: Կարելի է միայն պատկերացնել, թե ում համար են նախատեսված այս ցուցակում ներկայացված կոստյումները:
Արտադրողը՝ Brioni: Արժեքը՝ 43 000 դոլար:
Աշխարհում ամենաթանկարժեք բրենդը, որը մասնագիտանում է առանձնահատուկ հագուստների ստեղծման ուղղությամբ, 2009-ին թողարկել է Brioni Vanquish II կոստյումը: Կոստյումի այդքան բարձր գինը պայմանավորված է գործվածքով, որը ստեղծվել է հատուկ կոստյումի համար:
Արտադրողը՝ Alexander Amosu: Արժեքը՝ 110.000 դոլար:
Այս կոստյումի ստեղծման համար Ալեքսանդր Ամոսն օգտագործել է նույն գործվածքը, ինչ-որ Brioni-ի իր գործընկեր դիզայներները: Կոստյումի ստեղծման համար պահանջվել է գրեթե 80 ժամ: Alexander Amosu-ի պիջակն ունի 9 կոճակ, որոնք պատրաստված են 18 կարատանոց ոսկուց և ադամանդներից:
Արտադրողը՝ Stuart Hughes և Richard Jewels: Արժեքը՝ 943.000 դոլար:
Աշխարհում ամենաթանկարժեք կոստյումի հեղինակներ Ստյուարթ Հյուզը և Ռիչարդ Ժուելզը կարել են կոստյումը մի գործվածքից, որի մեջ քաշիմիր և մետաքս կա: Նրա աստղաբաշխական արժեքը պայմանավորված է նրանով, որ կոստյումի ստեղծման համար օգտագործվել է 480 ադամանդ: Յուրաքանչյուրը քարը 0,5 կարատ է:
