Մեծ Բրիտանիայի ներկայացուցիչները կարող են զրկվել ԵՄ ինստիտուտներում ձայնի իրավունքից, եթե բրիտանացիները հունիսի 23-ին կայանալիք հանրաքվեում կողմ արտահայտվեն ԵՄ-ից երկրի դուրս գալուն՝ չի բացառում Բրյուսելի դիվանագիտական աղբյուրը։ Այս մասին հայտնում է RIA Novosti-ն։ Եվրախորհրդարնում արդեն հնչում են ձայներ այդ մասին։
Ո՛չ ԵՄ խորհուրդը, ո՛չ Եվրահանձնաժողովը, ո՛չ էլ Եվրախորհրդարանը այդ մասին չեն արտահայտվել՝ այդօրինակ քննարկումները համարելով քաղաքական շահարկումներ։
Այդուհանդերձ, Լիսաբոնյան պայմանագրի 50-րդ հոդվածով նախատեսված է, որ ԵՄ-ից դուրս գալու դեպքում անդամ-երկիրը չի մասնակցի համապատասխան ընթացակարգով քվեարկության։
Համաձայն հարցումների՝ Brexit-ի կողմնակիցների և հակառակորդների թիվը գրեթե հավասար է:
