Հանրապետական կուսակցությունից ԱՄՆ նախագահի թեկնածու Դոնալդ Թրամփի նախագահ ընտրվելը կներկայացնի «իրական սպառնալիք ամբողջ աշխարհի համար»: Այդպիսի վստահություն է հայտնել դեմոկրատներից նախագահական քարոզարշավի մասնակից, Վերմոնտ նահանգից սենատոր Բեռնի Սանդերսը` HBO հեռուստաալիքին տված հարցազրույցում:
«Այդ տեսակը` պաթոլոգիական ստախոս: Ես չեմ ցանկանում երևալ անբարյացակամ, սակայն դա մաքուր ճշմարտություն է: Նախագահ ընտրվելու դեպքում նա կդառնա իրական խնդիր, իրական վտանգ ամբողջ աշխարհի համար»,- ասել է քաղաքական գործիչը:
Սանդերսը տարօրինակ միլիարդատիրոջը նաև քննադատել է սենատորի հետ բանավեճ անցկացնելու իր համար սեփական առաջարկությունից հրաժարվելու համար: «Սկզբում նա հայտարարեց, որ կանցկացնի դա, իսկ հետո ասաց, որ դա չի անի: Այնուհետև նա կրկին ասաց, որ դա կանի, իսկ հետո կրկին հրաժարվեց: Հեյ, Դոնալդ, դե արի բանավեճ անցկացնենք Ամերիկայի ապագայի մասին»,- հայտնել է Սանդերսը:
Հարցազրույցի ժամանակ Սանդերսը Թրամփին անվանել է «ստախոս», «շոումեն» և «ԶԼՄ-ների շատ լավ մանիպուլյատոր»:
