Երեկ ԱԺ բակում հանդիպելով տարածքային կառավարման փոխնախարար Վաչե Տերտերյանին` «Առաջին լրատվական»-ը հետաքրքրվեց` ինչպե՞ս է փոխնախարարը գնահատում Սյունիքի մարզպետի պաշտոնակատար Արա Դոլունցի նախաձեռնությունը` Սյունիքի նախկին մարզպետ Սուրեն Խաչատրյանին մարզպետի պաշտոնին վերադարձնելու ուղղությամբ:
Նշենք, որ ըստ henaran.am-ի Սյունիքի մարզպետի պաշտոնակատար Արա Դոլունցը Գորիսում ստորագրահավաք է նախաձեռնել ի պաշտպանություն նախկին մարզպետ Սուրիկ Խաչատրյանի: Պաշտոնակատարը հավաքել է Գորիսի էլիտար մասին՝ մտավորականներ, ուսուցիչներ, արվեստագետներ, բժիշկներ, նաև գյուղապետեր, և բացատրել, որ Խաչատրյանի փրկությունը և մարզպետ աշխատելը նրանց ստորագրությունից է կախված:
«Տեղյակ չեմ»,- Դոլունցի նախաձեռնության առթիվ հայտարարեց Տերտերյանը: Հետաքրքրվեցինք, թե իսկ նման նախաձեռնությամբ հնարավո՞ր է հետ բերել Սուրիկ Խաչատրյանին, փոխնախարարը հակադարձեց. «Լավ էլի, ձեր ծիծաղը չի՞ գալիս»:
