Ադրբեջանական ագրեսիայի պատճառով 19-ամյա զինծառայող Արման Լազգիյանը ողնուղեղի ծանր վիրավորում էր ստացել կրծքավանդակի 2-րդ ողի մակարդակի վրա: Նա նաև կերակրափողի և շնչափողի վնասվածքներ ունի:
Արմանի ծնողների որոշմամբ դեռևս մայիսի 17-ին Արմանը պետք է մեկներ Գերմանիա՝ բուժումը շարունակելու, սակայն նրա վիճակը կտրուկ վատացել էր. նրա մոտ սկսվել էր ներքին արյունահոսություն, և արդեն մայիսի 18-ին «Էրեբունի» բժշկական կենտրոնում նրան վիրահատել էին: Առողջական վիճակի պատճառով հետաձգվել էր Արմանի մեկնումը:
Արմանի վիճակն այսօր կայուն է: Նա մայիսի 26-ին մեկնել է Գերմանիա: Այնտեղ նա անցնում է կլինիկական հետազոտություն: Մեկ շաբաթից պարզ կդառնա, թե Արմանի առողջությունը որքանով կվերականգնվի և ինչքան գումար կպահանջվի բուժման համար:
