ՄԱԿ-ի գլխավոր ասամբլեան մտադիր է ընդլայնել համագործակցությունն Ադրբեջանի հետ: Ինչպես հաղորդում է Trend գործակալությունը, այս մասին Բաքվում Ադրբեջանի տեղեկատվության և կապի նախարար Ալի Աբասովի հետ հանդիպմանն ասել է ՄԱԿ ԳԱ 67-րդ նստաշրջանի նախագահ Վուկ Երեմիչը:
Հաղորդվում է, որ հանդիպման շրջանակներում, բացի Ադրբեջանի և ՄԱԿ ԳԱ-ի համագործակցության հեռանկարներից, քննարկվել են նաև Տրանսեվրասիական սուպերտեղեկատվական մայրուղու (TASIM) շինարարության նախագծի իրականացման հետ կապված հարցեր:
Նախարարը հաղորդել է, որ սեպտեմբերին պաշտոնապես կհայտարարվի TASIM նախագծի շրջանակներում դաշինքի ստեղծման մասին: Շինարարության նախագծում կներգրավվեն նոր օպերատորներ: Ներկայում նախագծին միացած է հինգ երկիր (Ադրբեջան, Չինաստան, Ղազախստան, Ռուսաստան, Թուրքիա): Ակնկալվում է, որ մոտակա ժամանակներս դրան կմիանան նաև Վրաստանը, Բուլղարիան և Ուկրաինան:
