Իտալիայի ազգային հավաքականի գլխավոր մարզիչ Չեզարե Պրանդելին նշել է, որ Կոնֆեդերացիաների գավաթի խաղարկությանը Մեքսիկայի ընտրանու դեմ հանդիպմանը ֆուտբոլիստները կատարել են իր բոլոր ցուցումները: Մասնագետը խոսել է նաև Մարիո Բալոտելիի վարքի մասին:
«Մենք գիտեինք, որ առավելություն ունենք մեքսիկացիների նկատմամբ: Ես գոհ եմ ոչ միայն խաղի արդյունքից, այլ նաև թիմի գործողություններից:
Ինչ վերաբերում է Բալոտելիի ստացած քարտին, ապա իմ կարծիքով` ժամանակն է, որ նա դադարի ցուցադրել մկանները: Մենք բազմիցս տեսել ենք այն:
Խոսել ենք Բալոտելիի հետ և որոշել, որ նրա վարքը կարող է վնասել թիմին: Չէի ցանկանա, որ Մարիոն նման պահերի համար դեղին քարտեր ստանա»,- Football Italia-ն մեջբերում է Պրանդելիի խոսքը:
