5 ժամ օդանավակայանում կայանած ինքնաթիռի ուղևորները հանպատրաստից համերգ են կազմակերպել սրահում՝ երգելով Ար Քելիի I Believe I Can Fly երգը:
Ինչպես գրում է Metro-ն, երաժշտությունը ինքնաթիռում միացրել է Հերբ Մարտին անունով ուղևորը, իսկ մյուսները դեմ չեն եղել, ընդհակառակը՝ ողջունել են նրա որոշումը, սկսել են պարել իրենց տեղերում, երգել ու ծիծաղել:
Ուղևորները Լաս Վեգասից պետք է ուղևորվեին Ֆենիքս: Նրանց խոսքով՝ այդ ժամանակահատվածում իրենց չի առաջարկվել ոչ ջուր, ոչ սնունդ: Որոշ ուղևորների ինքնազգացողությունը ինքնաթիռում վատացել է:
Ընդ որում՝ Allegiant Air ընկերությունից վստահեցրել են, որ ուղևորներին իրենք են ջուր տրամադրել:
Կստանա՞ն արդյոք ուղևորները ինչ-որ փոխհատուցում, թե՞ ոչ՝ դեռ չի նշվում:
