The Sun-ի տեղեկություններով՝ բոլոր ժամանակների լավագույն բռնցքամարտիկներից մեկը՝ Ֆլոյդ Մեյուեյզերը (49-0, 26 նոկաուտ) կարող է մենամարտել UFC-ի աստղ Քոնոր Մաքգրեգորի հետ (19-3, 17 նոկաուտ)։ Մենամարտը կարող է կայանալ առաջիկա ամռանը՝ Լաս-Վեգասում։
Մեյուեյզերն ավարտել է մարզական կարիերան, սակայն խոսակցություններ կան նրա՝ ռինգ վերադառնալու մասին։ Նշվում է, որ կողմերն արդեն համաձայնության են եկել, ստորագրել բոլոր անհրաժեշտ փաստաթղթերը։ Առաջիկա օրերին կհայտարարվի մենամարտի մասին։
Մեյուեյզերին մոտ կանգնած աղբյուրը The Sun-ի հետ զրույցում նշել է․ «Ֆլոյդին դուր չեն եկել Քոնորի խոսքերը։ Նա ասել է, որ Մեյուեյզերին 30 վայրկյանում նոկաուտի կենթարկի։ Մենամարտի համաձայնությունը ձեռք է բերվել մայիսի 2-ին։ Նախորդ երեկո նա ընկերներին ասել է, որ մենամարտելու է Քոնորի հետ»։
