Հորդատառ անձրևները ջրհեղեղի առաջացման պատճառ են դարձել Շվեյցարիայի արևմտյան կանտոններում, հաղորդում են տեղի իշխանությունները:
Ջրհեղեղի հետևանքով ժամանակավորապես դադրեցվել էր Ֆրիբուրգ ու Վո կանտոններում երկաթուղային հաղորդակցությունը:
Առավել տուժած շրջաններում բնակչությանն արագ տարհանում են:
Ներկայում Շվեյցարիայի արևմուտքում անցկացվում են եղանակային վատ պայմանների հետևանքով տուժած տրանսպորտային հաղորդակցությունը վերականգնելու աշխատանքներ:
Ակնկալվում է, որ երեկոյան տրանսպորտային հաղորդակցությունը կվերականգնվի:
