ԿՀՎ նախկին աշխատակից, ներկայում ամերիկյան Booz Allen Hamilton խորհրդատվական ընկերության աշխատող 29-ամյա Էդվարդ Սնոուդենը խոստովանել է, որ ինքը լրագրողներին է փոխանցել ամերիկյան հատուկ ծառայությունների գաղտնի տվյալները: Այժմ նա մտադիր է քաղաքական ապաստան խնդրել ցանկացած երկրից, որը հարգում է խոսքի ազատությունը և դեմ է քաղաքացիական ազատությունների ոչնչացմանը: Այս մասին հայտնում է RIA Novosti-ն:
Սնոուդենը հայտարարել է, որ իրեն նման քայլի է մղել ցանկությունը՝ հասարակությանը պատմել այն մասին, թե ինչ է անում ԱՄՆ կառավարությունն անվտանգության մասին հոգ տանելու հավաստիացումների ներքո:
Սնոուդենը, որը գտնվում է Հոնկոնգում, իր գործողությունները բացատրել է նրանով, որ ինքը արդարության է ձգտում և չի ցանկանում, որ քաղաքական գործիչները ստեն:
Նշենք, որ Booz Allen Hamilton-ը աշխատում է պաշտպանական արդյունաբերության և հատուկ ծառայությունների ոլորտում: Նրա հաճախորդներից է ԱՄՆ ազգային անվտանգության գործակալությունը: Ընկերությունն արդեն հայտարարել է, որ կոպիտ խախտում է համարում իր աշխատակցի կողմից ԶԼՄ-ներին գաղտնի տեղեկությունների փոխանցումը և մտադիր է համագործակցել քննության հետ:
