Կիրակի Սիրիայի Հալեպ քաղաքում գրոհայինները ծնողների աչքի առջև գնդակահարել են 15-ամյա մի տղայի՝ նրան մեղադրելով աստվածանարգության մեջ: Այս մասին հայտնում է ITAR-TASS-ը՝ հղում անելով ապստամբներին աջակցող Սիրիայում մարդու իրավունքների պահպանմանը հետևող խմբին:
Ինչպես հաղորդվում է՝ մահապատիժն իրականացրել են «Ջեբհաթ Ալ-Նուսրա» կազմակերպության գրոհայինները, որոնք քարոզում են կրոնական ծայրահեղականություն:
Վրեժխնդրության զոհ է դարձել 15 տարեկան Մուհամմադ Կատաան, որը Հալեպի շրջաններից մեկում սուրճ էր վաճառում: Միջադեպից մի քանի օր առաջ փողոցային վեճի ժամանակ նա այսպիսի արտահայտություն էր արել. «Եթե նույնիսկ Մուհամմեդ մարգարեն երկիր իջնի, ես հավատացյալ չեմ դառնա»:
Չնայած մոր հավաստիացումներին, թե տղան մասնակցել է հակակառավարական ցույցերին, տղային սպանել են:
