Իրանի նախագահ Մահմուդ Ահմադինեժադն այսօր Արևելյան Ադրբեջան նահանգում Թեհրան-Թավրիզ երկաթգծի նոր ճյուղի բացման արարողության ժամանակ ունեցած ելույթում հայտարարել է, որ ինքը չի միջամտել միջուկային ծրագրի շուրջ քննարկմանը: Նրա խոսքերով՝ այլ անձ է պատասխանատու այդ քննարկումների համար: Այս մասին փոխանցում է IRNA գործակալությունը:
Ահմադինեժադի խոսքերով՝ ոմանք սկզբում չէին ընկալում պատժամիջոցների ազդեցությունը, այժմ այդ մարդիկ ասում են, որ պատժամիջոցներն ազդեցություն են գործում , և դրա հետ կապված մեղքը բարդում են իր կառավարության վրա:
Ահմադինեժեդի խոսքերն ասվել են ի պատասխան երեկ իրանական հեռուստատեսությամբ հնչեցված Իրանի նախագահի թեկնածու, ազգային անվտանգության գերագույն խորհրդի քարտուղար Սայիդ Ջալիլիի արտահայտություններին:
Ահմադինեժադն առաջին անգամ է պաշտոնական հայտարարություն արել՝ միջուկային ծրագրի շուրջ քննարկմանն իր միջամտությունը հերքելու համար։
