Վրաստանի վարչապետ Գեորգի Կվիրիկաշվիլին հայտարարել է, որ Վրաստանի իշխանությունները գիտակցում են, թե տարածաշրջանի համար որքան կարևոր է որպեսզի Լեռնային Ղարաբաղում պահպանվի խաղաղություն: Այդ մասին վարչապետը հայտարարել է Ստրասբուրգում պատասխանելով լրագրողների հարցին, հայտնում է Apsny.ge-ն:
«Անմիջապես հենց սրվեց իրավիճակը Լեռնային Ղարաբաղում, ես մի քանի հայտարարություն արեցի, և աջակցեցի հակամարտության խաղաղ կարգավորմանը: Մենք հետաքրքրված ենք այն բանում, որ Կովկասում լինի խաղաղություն: Այդ հակամարտությունը կարող է բացասաբար անդրադառնալ ողջ տարածաշրջանի անվտանգության վրա: Այդ պատճառով մենք գիտակցում ենք, թե որքան կարևոր է, որպեսզի Լեռնային Ղարաբաղում պահպանվի խաղաղություն: Դրա համար մենք կարող են առաջարկել Վրաստանը որպես խաղաղ բանակցություններ անցկացնելու վայր: Մենք ուրախ ենք, որ վերջին ժամանակներում Լեռնային Ղարաբաղում ի հայտ են գալիս դեէսկալացիայի նախանշաններ: Հուսով ենք, որ այդ հակամարտությունը կկարգավորվի խաղաղ ճանապարհով»,- հայտարարել է Գեորգի Կվիրիկաշվիլին:
