Նուբարաշենի աղբանոցում, ըստ մեզ հասած տեղեկությունների, ժամանակ առ ժամանակ արածում են խոշոր եղջերավոր անասուններ, հատկապես՝ կովեր: «Առաջին լրատվական»-ը գնաց լուրերի հետքերով՝ տեղում պարզելու, թե արդյո՞ք աղբանոցում կաթնատու կենդանիներ կան: Մեզ հետ զրույցում աղբանոցի պահակ Նորիկ Այվազյանն ասաց, որ տարածքում տեսել է կովերի արածելիս՝ հավաստիացնելով, որ դրանք եզդիների կովերն են: Ճանապարհին զրուցեցինք կովերին հսկող մի տղայի հետ, ով ևս վստահեցրեց, որ անասունները եզդիներինն են: Հայկը մեզ փոխանցեց, որ դրանց թիվը հասնում է շուրջ 150-ի. «Հիմա կովերին անտառ են տանում, բայց գրեթե ամեն օր էլ աղբանոցում տեսել են: Եթե անձրևային օր է, աղբանոցում են մնում, չեն տանում այլ տեղ»: Նա նշեց նաև, որ ստացված կաթից հիմնականում մածուն են պատրաստում:
Հայկը մեզ ցույց տվեց եզդիների բնակավայրերը: Մեզ դիմավորեց մի կին, ով տեղեկացրեց, որ իրենց կովերն այն ժամանակ են հայտնվում աղբանոցում, երբ չեն հսկվում, իսկ ստացված կաթից հիմնականում պանիր են պատրաստում և կաթը չեն հանձնում որևէ ընկերության: Եզդիները մեզ չասացին, թե վերամշակմամբ զբաղվող որ ընկերություններին են հանձնում կաթը՝ պատճառաբանելով, թե չգիտեն:
Մանրամասները դիտեք տեսանյութում:
