Շվեդիայի հայ համայնքն ապրիլի 12-ին անցկացրել է բողոքի քայլարշավ Ստոկհոլմի կենտրոնական փողոցներով՝ իր զորակցությունը հայտնելով Արցախի ժողովրդին և հարգանքի տուրք մատուցելով զոհվածների հիշատակին։ Երթը հանգրվանել է Շվեդիայի խորհրդարանի դիմաց, որտեղ մասնակցիները բողոքի ցույց են անցկացրել՝ պահանջելով դատապարտել Ադրբեջանի ագրեսիան Արցախի ժողովրդի դեմ։ Հանրահավաքի մասնակցիների համար ընթ երցվել է Շվեդիայի կառավարությանը փոխանցված նամակի տեքստը։ «Արմենպրես»-ի հաղորդմամբ՝ ցույցի մասնակիցները նաև բողոք են ներկայացրեցին ապրիլի 9-ին թուրք-ադրբեջանական համայնքի ցույցի ժամանակ արտահայտված հայատյացության դրսևաորումների դեմ՝ պահանջելով խորհրդարանից և կառավարությունից դատապարտել նման հանցավոր հայտարարությունները։ Ցույցին մասնակցել են Շվեդիայի հայ համայնքի բոլոր կազմակերպությունների հարյուրավոր անդամներ։
Երթը և ցույցը լայն արձագանք են ստացել շվեդական մամուլում։ Այն ուղիղ եթեր է հեռարձակվել Շվեդիայի առաջատար TV4 հեռուստաընկերությունն օրվա ընթացքում ներկայացրել է նաև մասնագիտական քննարկումներ թուրք-ադրբեջանական համայնքի կողմից այլատյացության դրսևորումների, բռնության քարոզի եւ ատելության սերմանման վերաբերյալ՝ փոխկապակցելով դրանք Հայոց ցեղասպանության հիմնախնդրին և ԼՂ հակամարտությանը։
