Հռոմի պապ Ֆրանցիսկոսի «Amoris laetitia» (Սիրո ուրախությունը) եկեղեցու կյանքում և ժամանակակից աշխարհում ընտանիքի դերին նվիրված ճառը ներկայացվել է ուրբաթ օրը Վատիկանի տպագրության դահլիճում, հայտնում է RIA Novosti-ն:
Ճառը ուղեկցվում է Ֆրանցիսկոս պապի հիրոգրաֆով (կարճ ուղերձ գրված պապի ձեռքով), որը կուղարկվի աշխարհի բոլոր կաթոլիկ եպիսկոպոսներին: «Բարի եղբայր, ուրախ եմ քեզ ուղարկելու իմ «Amoris laetitia» ճառը՝ ի բարեկեցություն բոլոր ընտանիքների և բոլոր մարդկանց՝ երիտասարդ և ծեր, վստահված քո քահանայական ծառայությանը»,- ասված է հիրոգրաֆում, որը Ֆրանցիսկոսը գրել է ուրբաթ օրը:
«Amoris laetitia»-ը բաղկացած է նախաբանից և 9 գլխից, ինչը հանդիսանում է Հռոմի կաթոլիկ եկեղեցու երկարատև աշխատանքի արդյունք:
Այն նախատեսված է բոլոր ընտանիքների և այն մարդկանց համար, ովքեր պատրաստվում են ընտանիք կազմել: Այն կոչված է հաստատելու ընտանիքի մասին կաթոլիկական «իդեալը» իր ողջ հարստությամբ և բարդությամբ՝ միաժամանակ անդրադառնալով ժամանակակից աշխարհի առավել սուր խնդիրներին:
